Вевчани се наоѓа во југозападниот дел на Македонија на падините на планината Јабланица на надморска височина од 800 m. Атарот на Вевчани се наоѓа северозападно од Охридско Езеро. Се протега во насока исток – запад, од подножјето, преку ридестиот терен, сè до сртот на планината Јабланица.
Охрид се наоѓа во југозападниот дел на Македонија во Охридско-струшкото поле. Градот е сместен во подножјето на планината Галичица, на надморска височина од 695 м, додека стариот дел од градот се наоѓа на повисока надморска височина до 740 м.
Дебарца е котлински предел кој на запад е ограден со падините на планините Стогово и Караорман, на исток со падините на планините Славеј Планина, Илинска Планина и Плаќенска Планина, додека пак на север е отворена кон Кичевската котлина и областа Копачка, а на југ е отворена кон Охридско-Струшката котлина.
